எனக்காக ஒரு நிமிடம்

நண்பர்களே

நண்பர் கோவி கண்ணனின் வலையில் இருந்த சுலபமான வழிமுறையைப் பின்பற்றி தீர்வு கிடைத்துவிட்டது. இதனை பின்னூட்டிய நையாண்டி நைனா அவர்களுக்கு நன்றிகள்.இதே போன்ற தீர்வைத் தந்த நிமல் மற்றும் மதுவிற்க்கும் நன்றிகள்.

அன்பு நண்பர்களே
என் வலையில் பல நாட்களாக ஒரு பிரச்சனை. அண்மைக்காலங்களில் பல நண்பர்கள் இந்தப் பிரச்சனை பற்றி நேரிலும், தொலைபேசி மூலமாகவும், மின்னஞ்சல் மூலமாகவும் சிலாகித்தார்கள்.

அதாவது என்னுடைய பதிவுகளைச் சொடுக்கினால் பின்னூட்டம் இட்டவர்களின் பெயர் தெரிவதில்லை. போஸ்ட் கொமெண்ட் லிங்கைச் சொடுக்கினால் மாத்திரம் அவர்களின் பெயர் தெரியும்.



யார் யார் பின்னூட்டம் இட்டிருக்கின்றாகள் என ஒரே தடவையில் பார்க்கமுடியவில்லை என பலர் குறைப்பட்டார்கள். இதே பிரச்சனை எங்கள் டொக்டர்.எம்.கே.முருகானந்தம் அவர்களுக்கும் இருக்கின்றது.

நேற்று முழுவதும் புல்லட், ஆதிரை, சினேகிதி, கெளபாய் மது என நண்பர்கள் என்னுடன் சேர்ந்து (இணைய வழி மூலம்)இந்தப் பிரச்சனையைத் தீர்க்க கடினமாக போராடினார்கள். சினேகிதி ஓரளவு தீர்வைக் கண்டுபிடித்தும் பிழையான தகவல் என Message வருகின்றது.

நான் எழுதும் ஏனைய வலைகளான சகலகலாவல்லவன், ஈழத்துமுற்றம் போன்றவற்றின் HTML Code உடன் ஒப்பிட்டுப் பார்க்கும் போது பின்னூட்டம் பகுதியில் சில வேறுபாடுகளை அவதானித்தேன், ஆனால் அவற்றை அழித்துவிட்டு புதிய பின்னூட்டதிற்கான coding இடும் போதும் என்னுடைய வலையின் வடிவமும் மாறுகின்றது, அத்துடன் மீண்டும் தகவல் பிழையென Message வருகின்றது.

இதற்கான தீர்வு என்ன? தகவல் தொழில்நுட்பப் புலிகள் எனக்கு உதவுங்கள்.

யாழ்தேவிக்கு ஒரு தகவல்.

இன்றுமுதல் என்னை தங்கள் திரட்டியின் நட்சத்திரப் பதிவராக அழைத்தமைக்கு நன்றிகள். உங்கள் மின்னஞ்சல் இன்று காலையில் தான் கிடைத்தது. தயவு செய்து நட்சத்திரப் பதிவர்களுக்கான அழைப்பினை ஒரு இரண்டு வாரங்களுக்கு முன்னர் பதிவர்களுக்கு அறியத் தந்தால் அவர்களுக்கு மிகவும் வசதியாக இருக்கும்.

ஏனென்றால் ஒரு திரட்டியின் நட்சத்திரமாக இருக்கும் காலத்தில் கொஞ்சமேனும் நல்ல பதிவுகள் எழுதமுடியும். தங்களின் திரட்டி புதிது என்பதால் என் கண்டனங்களைத் தெரிவிக்காமல், ஏதோ என்னால் முடிந்தவரை சிறப்பாக எழுத முயற்சிக்கின்றேன்.

இனிமேல் இந்தத் தவறை விடவேண்டாம், என்பதை நட்புரீதியில் உங்களிடம் சொல்லிக்கொள்கின்றேன்.

முடிந்தவரை தினம் ஒரு பதிவு எழுத முயற்சி செய்கின்றேன். சென்ற வருட செப்டம்பரில் தமிழ்மண நட்சத்திரம், இந்தவருடம் யாழ்தேவியில் நட்சத்திரம்.